Maiatzaren 25ean Lh1ekoak Oriora joan ginen egun pasa. Goizeko 9:30etan autobusa hartu eta kostaldetik Getaria eta Zarautz pasa ondoren Oriora iritsi ginen. Hasiera batean hondartza inguruan kokatu ginen. Bertan gauzak utzi eta antolatu ondoren, espazioa aztertu eta bi jolas parkeetan ibili ginen eta baita zelaian zehar ere. Parapenteak ere ikuskatu genituen eta nola lurreratzen zinen ikusteko ere aukera izan genuen.
Ondoren traste guztiak hartu eta ibai ondotik beste parke batetara abiatu ginen. Bidean ahatak, oilo eta oilarrak, antzarrak…ikusi genituen, eta azkenik, buelta polit bat eman eta gero gure bigarren gunera iritsi ginen.
Parkean bazkaldu eta gero, soketatik gora eskalatzen, tirolinan, toboganean eta bertan zegoen zelaitxoan jolastu genuen.
Azkenik, 16:00ak aldera, jada nahiko jolastu eta disfrutatuta autobuserantz abiatu ginen.
Eguraldia lagun, egun ederra pasa genuen.
iruzkinik ez:
Argitaratu iruzkina