Azaroaren 4tik abenduaren 1a, 2 mailako ikasleok Igeriketan ikasten eta hobetzen ibili gara Lubaki Kiroldegiko igerilekuan.
Hogei egun hauetan zehar, primeran pasatu dugu, gelakide guztiok batera ikastea, askoz ere errazago egin baitzaigu; eta gainetik uretako jolasetan elkarrekin ibiltzea askoz ere atseginagoa izan da.
Igeriketa lantzeaz gain, beste arlo garratzitsuak ere landu ditugu: Autonomia eta Higienea.
Eskerrik asko gure Igeriketako irakasleari!
Urriaren 27an Ordiziko parke batean eta Arama herrian egon ginen.
Lau taldeak elkarrekin joan ginen aspaldiko
partez eta oso ondo pasa genuen.
Taldeko argazkiak hor behean dituzue, baina argazki gehiago ikusi nahiez gero, HEMEN sakatu
2A
Hemen gaude berriz ere! Aurtengo lehenengo irteeran ludotekara joan gara eta bertan jolastuz oso ondo pasa dugu.
Oporrak bukatu dira eta patioa ezik beste guztia berria dugu: gela, andereñoa eta taldeko lagunak. Goazen elkarrekin jolastera!
Dagoeneko hasi gara gelakide berriekin patioan ez ezik, gela barruan ere jolasten.
Izan ere, jolas berriak ditugu eta hauekin asko ikasi eta goxatuko dugu.
Irailaren bukaeran karakas aldera joan ginen goiz pasa.
Asko disfrutatu genuen, eta ederki ibili ginen jolasean.
Kaixo lagunak!
Ikasturteari amaiera emateko 2.mailako ikasleak gure herrian dugun padura ikustera joan gara. Dunetatik ibili eta jarraian Santiagoko hondartzara joan gara. Bertan hamaiketakoa jan ondoren, hondarretan jolasean ibili gara: korrika, saltoka, eskulturak egiten... Ikusi zein ondo ibili geran.
Ondo pasa udarako oporrak. Aioo!!
Kaixo irakurle, aurreko ostiralean 2.mailakoak goizpasa egin genuen eskola inguruko lekuak ezagutzeko asmoz. Herriko baratza publikoak bisitatu genituen, baita barrutik ikusi ere. Basusta gainako bidean ederki pasa genuen ardiak, behiak, astoa eta zaldiak ikusten. Marrubiak dastatu genituen, baita lore batzuk ere.
Ondoren hamaiketakoa egitera Kantauri plazara eta Gernika parkera joan ginen. Jolas eta jolas aritu ginen toki batean eta bestean.
Ikusi gure azgazkietan zeinen ondo ibili ginen.
Kaixo lagunak!!
Pasa den astean LH 2.mailako ikasleek txokolatezko brownia egin genuen mikrouhinean. Lehendabizi errezeta irakurri genuen, ondoren osagaien nahasketa prestatu eta bukatzeko mikrouhinean sartu genuen. Ze ondo pasa dugun sukaldari izaten. Ikusi, ikusi!!
Kaixo lagunak, astelehenean Martxoak 8 izan zen eta egun horretan EMAKUMEEN NAZIOARTEKO EGUNA ospatu genuen gelan. Gure bizitzan emakumeak zein garrantzitsuak diren ikusi genuen eta bakoitzak guretzako hain garrantzitsua den emakume baten erretratua egin genuen. Ikusi ze lan zoragarriak egin ditugun!!
Kaixo lagunak, astelehenean Martxoak 8 izan zen eta egun horretan EMAKUMEEN NAZIOARTEKO EGUNA ospatu genuen gelan. Gure bizitzan emakumeak zein garrantzitsuak diren ikusi genuen eta bakoitzak guretzako hain garrantzitsua den emakume baten erretratua egin genuen. Ikusi ze lan zoragarriak egin ditugun!!
Kaixo!! "Boga-boga marinela" bukatzeko Orioko balearen antzerkia egin dugu eskolan. Horretarako gidoia ikasi, eszenatokia eraiki eta amaieran antzerkia burutu dugu. Ederki pasa degu, bai!!
Lehen gizakiaren gaia bukatzen ari gara eta antzerkia egin dugu.Begira nola jantzi garen antzerkia egiteko!!
Kaixo familiak!! Aurtengo ikasturtea arraroa izaten ari da, baina pandemiak ez gaitu Inauteriak ospatzeko aukera gabe utzi. Ez gara mozorrotu, ezta desfilean atera. Baina beste modu batean ospatu dugu gelan aurtengo festa. Lantzeko inauteriak landu ditugu gelan eta hainbat pertsonaia ezagutu ditugu; horien artean aurten mozorratu behar ginen TXATXOAK.
Gure pasiloak marrazki, painelu eta txapela ezberdinekin apaindu ditugu. Gelan Txatxoek burusn eramaten duten txapela egin dugu eta ikusi zein dotore gauden gure artelanekin.
Ondo pasa asteburu luze hau.
Zumaiako Baleike aldizkarian LH 2. mailako ikasleek Zumaia herria eta itsasoaren arteko lanketaren inguruan idatzi dute. "Boga, boga marinela" gaia landu dugu eskolan eta honi lotuta Beduola Elkartearen lana ezagutzeko aukera izan dugu. Euskal arrantzanleek balearen ehiza nola egiten zuten, Ternua edota Kanada non dauden, munduko nabigatzaileak zein diren edota asko gustatu zaizkigun pirata eta kortsarioen inguruan asko ikasteko aukera izan dugu.
Hau guztiaren inguruan artikulu bat idatzi du Juan Luis Romatet kazetariak Baleiken. Mila esker benetan gure lana Zumaiako herritarrei erakusteagatik!!!
Kaixo! Otsailaren 4ean Santa Ageda bezpera ospatu genuen Zumaia Herri Eskolako ikasleek. LH 2. mailako ikasleak Aita Mariko eskolara joan ginen lehen mailako kideekin batera Santa Agedako koplak eta bertsoak abestera. Ederki pasa genuen abesten eta gure makilak astintzen. Ikusi, ikusi!!
Kaixo guztioi!! 2. mailako ikasleak "Boga, boga marinela" lantzen ari gara eskolan eta gaiari lotuta gure herriko Beduola Elkartearen lana ikusteko aukera izan dugu. Pandemiaren eraginez ezin izan dugu elkartearen gunera joan, eta horregatik eskolara beraien lana ezagutzeko hainbat pieza eta panel informatibo ekarri dizkigute. Bi astez gure pasiloetan ikusgai egon da erakusketa; bertan hiru anai batelaren maketa edota itsasoan erabiltzen diren soka-korapilo ezberdinak ikusteko aukera izan dugu.
Milesker BEDUOLA ELKARTEARI eskaini diguten aukera zoragarri honengatik. Ea egunen batean (pandemiak uzten badigu) zuen lana ikusteko aukera daukagun.
Eskerrik asko, LH 2. mailako ikasleak.
