Oraingoan Donostiara joan gara trenez. Lehendabizi , eta Cristina-Enea parkera joan aurretik, bidean dagoen jolas-parke handi batean geratu gara. Bertan hamaiketakoa egin eta bapo jolastu ondoren, parkerantz abiatu gara. Iritsi orduko zarata handi bat entzun dugu zuhaitz baten goikaldean: pauma bat! Ederra festa!
Parkean zehar hainbat hegazti ikusteko aukera izan dugu, baita dortoka bat ere. Gero, hostoen bilketan aritu ondoren, zelai zabal eta eder batera abiatu gara bazkaltzera. Gaurkoan ere eguraldia zoragarria izan dugu eta egun ederra pasa ondoren, trenerantz abiatu gara Zumaiara itzultzeko.
